काठमाडौ। महिला सशक्तीकरणको क्षेत्रमा काम गर्ने ‘कल्प इम्पावर वेमेन नेपाल’ ले शी लिड्स आइकन–२०८१ को उत्कृष्ट २७ मा काभ्रे जिल्ला बेथानचोक गाउँपालिकाका उपाध्यक्ष तारा राना छनोटमा परेकी हुन।
विभिन्न स्थानीय तहका १ सय ४० जना महिला जनप्रतिनिधिबाट राना उत्कृष्ट २७ जना महिला जनप्रतिनिधिमा छनोट भएकी हुन । देशभरका महिला जनप्रतिनिधिहरूको कर्मलाई विश्वसामु परिचित गराउने उद्देश्यले आवेदन लिइएको थियो । काभ्रेपलाञ्चोक जिल्ला बेथानचोक गाउँपालिकाकी उपाध्यक्ष तारा राना तिमल्सिनाको जन्म मध्यम वर्गीय परिवारमा भएको हो ।
सामाजिक परिवर्तन र उत्पीडित वर्गको हक, हित र अधिकारको लागि मार्क्स, लेनिन, र माओवादका सिद्धान्तबाट प्रभावित भएर उनी राजनीतिमा आएकी हुन ।उनले गरिरहेको कामको आवधिक मूल्याङ्कन समेत प्रतिविम्वित हुने गरी भोट गर्न उपाध्यक्ष रानाले आव्हान समेत गरेकी छिन ।
