मञ्जुश्री सम्वत २८६१ ( डुल ल्हो) पुख्री दिङ राष्ट्रिय प्रिपा सोनाम ल्होछारला दुइसाङरी “राष्ट्रिय प्रिपा सोनाम ल्होछार ह्युल्ला शान, ग्योइ- धर्म तेन म्हि ल्हुइ ठिम ह्याङ्ला पहिचान” बिबा ग्रेन नाराला छ्यामरी ह्राङ्ला ग्योइ धर्म, म्हि ल्हुइ ठिम, कला, घोइलो तेन ह्रिमठिम सोना लापा तेन ल्हेना लापारी सिन्धुपाल्चोक तामाङ ह्यु्ल्वा युएईसे स्हेङबाइगेन लापा सोनाम ल्होछार घेताङ 2025 फेब्रुअरी- 2 दिनि रे कुनु बरदुवाई SK7 CLUB रि दाङबाइगेन मुला |
चु दिङला ल्होछार घेताङ निबा दिङ कतेला घेताङ बन्दै ल्हामान ज्याबा तसेला मुला बिसि संस्थाला चोहो राजु नगरकोटी तामाङसे सुङबा मुला | सिन्धुपाल्चोक तामाङ ह्युल्बा युएईसे स्हेङ्गे लापा चु घेताङरी सिन्धुपाल्चोकला सारी केवा किन्बा ग्रेन काइबा मोक्कोन ङ्यान्खेन तेन सेङ्केन कतेला तिङला ढुकढुकि (Mongolian Heart) राजु लामाला थेमे घेताङ जेना लापारी घेताङ जोम्नारी दोकापाइगेन मुला |
प्राङबो जुकु त ह्रो लासि खापा ओम आफ्ठेरोरी पर्दिबा कतेताई ह्रो लापा ह्यान्दे ग्योइ, धर्म(ङिङ्चे), ह्राङला ह्रिमठिम सोना लापारि ओम ल्हेना लापारि जहिलेन घेलासि खापा सिन्धुपाल्चोक तामाङ ह्युल्बा युएईला चु दिङला ल्होछार घेताङ मङगोलियन हर्टला छ्यामरी म्हिला ह्युलरी तसाइ ह्राङला ह्रिमठिम त ल्हेना तेन छार्ना लापारि स्हेङगे लाबा हिन्न |
चुपाल्सेला ल्होछार घेताङरी नेपाल ग्याम्से निम्तो लासि ज्योन्काबा डोन्बो खाइबा- काइबा कतेला छ्यामरी तामाङ ह्युल्बा युएईला खाइबा- काइबा कतेसे ह्राङला ज्याबा ज्याब प्रस्तुति पिन्बाइगेन मुला बिसि ल्होछार घेताङला चोहो समीर वाइबासे सुङ्बा मुला | ल्होछार घेताङरी ज्योन्कपाला लागिरि युएईरी स्ह्युबा मोक्कोन ङेन्कोर जुकु घेताङ जोम्नारी दोकासि घेताङ त जेना लासि पिन्को बिसि संस्थाला चोहो तेन छ्याम संस्थाला फेपे कतेसे डेन लापा मुला |
ह्राङनिसे स्हेङबा ल्होछार घेताङ ज्याबा तकाइ, ङानीलाईनोन ज्याबा डान्बा मुला |
