प्रतिनिधि सभा र राष्ट्रिय सभा निर्वाचनका लागि तामाङ राष्ट्रिय मुक्ति मोर्चाद्वारा विस्तृत उम्मेदवार सिफारिस
काठमाडौं । तामाङ राष्ट्रिय मुक्ति मोर्चा नेपालले आगामी प्रतिनिधि सभा र राष्ट्रिय सभा निर्वाचनलाई लक्षित गर्दै उम्मेदवारहरूको विस्तृत नामावली सिफारिस गरेको छ।
मोर्चाले नेपाली कम्युनिष्ट पार्टीको केन्द्रीय कार्यालय, पेरिसडाँडा, काठमाडौंमा औपचारिक पत्रमार्फत सिफारिस पेश गरेको हो।सिफारिस पत्र मोर्चाको केन्द्रीय पदाधिकारी बैठकको निर्णयअनुसार पठाइएको जनाइएको छ। मोर्चाले यो निर्णयलाई संगठनात्मक, राजनीतिक र ऐतिहासिक दृष्टिले महत्त्वपूर्ण कदमका रूपमा व्याख्या गरेको छ।
२०८२ साल फागुन २१ गते हुने प्रतिनिधि सभा निर्वाचन तथा २०८२ साल माघ ११ गते हुने राष्ट्रिय सभा सदस्य निर्वाचनलाई लक्षित गरी उम्मेदवार छनोट गरिएको हो। मोर्चाका अनुसार सिफारिस प्रक्रिया जनसंख्याको आधार, संगठनप्रतिको योगदान र राजनीतिक अनुभवलाई मुख्य मापदण्ड बनाएर अघि बढाइएको छ। तामाङ समुदायको लामो समयदेखिको राजनीतिक बहिष्करणलाई अन्त्य गर्ने उद्देश्यसहित उम्मेदवार सिफारिस गरिएको मोर्चाको भनाइ छ। यस सिफारिसलाई तामाङ समुदायको सामूहिक राजनीतिक आवाजका रूपमा लिइएको छ।
मोर्चाले प्रतिनिधि सभाको प्रत्यक्षतर्फ विभिन्न जिल्लाबाट नेतृत्वदायी भूमिका निर्वाह गरेका १४ जना नेताहरूलाई सिफारिस गरेको छ। सिफारिस सूचीमा नुवाकोटबाट हितबहादुर तामाङको नाम अग्रपंक्तिमा राखिएको छ।
हितबहादुर तामाङ केन्द्रीय महाधिवेशन आयोजक समिति सदस्यसमेत रहेका छन्। उनी लामो समयदेखि तामाङ आन्दोलन र वाम राजनीतिमा सक्रिय रहँदै आएका नेता हुन्।
काभ्रे जिल्लाबाट सूर्यमान दोङ तामाङ र अविरल जिम्बा तामाङ सिफारिसमा परेका छन्।
झापा जिल्लाबाट रञ्जित तामाङलाई उम्मेदवारका रूपमा अघि सारिएको छ।
दोलखा–रामेछाप क्षेत्रबाट अमरध्वज लामा तामाङको नाम सिफारिस गरिएको छ।
काठमाडौं जिल्लाबाट उर्गेन लामा तामाङ (सञ्जय) सिफारिस सूचीमा समावेश छन्।
मकवानपुर जिल्लाबाट भिम पाख्रिन तामाङ र लिला कुमार घलान तामाङको नाम उल्लेख गरिएको छ।
सिन्धुली जिल्लाबाट पानीराज भोम्जन तामाङ र दिर्वु सिं मोक्तान तामाङ सिफारिसमा परेका छन्।
लमजुङ जिल्लाबाट हरिजंग तामाङलाई उम्मेदवारका रूपमा अघि बढाइएको छ।
बारा जिल्लाबाट बेनीबहादुर मोक्तान तामाङ सिफारिसमा समेटिएका छन्।
काभ्रे जिल्लाबाट राममाया वाइबा तामाङ र बुद्ध लोप्चन तामाङ पनि प्रत्यक्षतर्फको सूचीमा रहेका छन्।
मोर्चाका अनुसार यी उम्मेदवारहरू संगठन, आन्दोलन र समुदायसँग गहिरो सम्बन्ध राख्ने व्यक्तित्व हुन्। प्रत्यक्षतर्फको सूचीले क्षेत्रीय सन्तुलन र संगठनात्मक समावेशितालाई प्रतिबिम्बित गर्ने दाबी गरिएको छ।
त्यस्तै प्रतिनिधि सभाको समानुपातिकतर्फ पनि मोर्चाले ८ जना उम्मेदवार सिफारिस गरेको छ। समानुपातिक सूचीमा काठमाडौं, रामेछाप, उदयपुर, लमजुङ, नुवाकोट, महोत्तरी र धादिङ जिल्लाका प्रतिनिधिहरू समावेश छन्।
काठमाडौं जिल्लाबाट परशुराम तामाङ सिफारिसमा परेका छन्।
रामेछापबाट प्रेमकुमार तामाङ र हिमाली गोले तामाङको नाम प्रस्ताव गरिएको छ।
उदयपुर जिल्लाबाट मनोज तामाङलाई समानुपातिक उम्मेदवारका रूपमा सिफारिस गरिएको छ।
लमजुङ जिल्लाबाट सतिमाया तामाङ सूचीमा समावेश छिन्।
नुवाकोट जिल्लाबाट उषा वाइबा तामाङलाई समानुपातिकतर्फ अघि सारिएको छ।
महोत्तरी जिल्लाबाट राम्री माया तामाङनी सिफारिसमा परेकी छन्।
धादिङ जिल्लाबाट सूर्यबहादुर तामाङको नाम समावेश गरिएको छ।
मोर्चाले समानुपातिक सूचीमा महिला, क्षेत्रीय र संगठनात्मक समावेशितालाई विशेष ध्यान दिएको जनाएको छ। यसले तामाङ महिलाको राजनीतिक सहभागिता बढाउने अपेक्षा गरिएको छ।
राष्ट्रिय सभा सदस्य निर्वाचनका लागि पनि मोर्चाले उम्मेदवार सिफारिस गरेको छ। बागमती प्रदेशबाट कुमार योञ्जन तामाङलाई राष्ट्रिय सभा सदस्यका रूपमा सिफारिस गरिएको छ। त्यसैगरी टासी लामा तामाङको नाम पनि बागमती प्रदेशबाट सिफारिस सूचीमा राखिएको छ।यी दुवै नेता केन्द्रीय तथा प्रदेश तहमा सक्रिय भूमिका निर्वाह गर्दै आएका छन्।
मोर्चाले पार्टी केन्द्रीय नेतृत्वलाई सिफारिस गरिएका नामहरूलाई गम्भीरतापूर्वक मूल्याङ्कन गर्न आग्रह गरेको छ। जनसंख्या, योगदान र ऐतिहासिक उत्पीडनको आधारमा उम्मेदवार छनोट गरिनुपर्ने मोर्चाको जोड छ। तामाङ समुदाय नेपालकै ठूलो आदिवासी समुदाय भए पनि राजनीतिक नेतृत्वमा कमजोर प्रतिनिधित्व रहेको मोर्चाको ठहर छ।
मोर्चाका नेताहरूले यो सिफारिसलाई राजनीतिक अधिकार प्राप्तिको संघर्षको निरन्तरता बताएका छन्। उनीहरूले राज्यका निर्णायक तहमा तामाङ समुदायको उपस्थितिबिना समावेशी लोकतन्त्र सम्भव नहुने धारणा राखेका छन्। यस सिफारिसले पार्टीभित्र बहस र छलफललाई तीव्र बनाउने अपेक्षा गरिएको छ।
तामाङ राष्ट्रिय मुक्ति मोर्चाले आगामी निर्वाचनलाई समुदायको राजनीतिक भविष्यसँग जोडेर हेरेको जनाएको छ। मोर्चाले उत्पीडित, सीमान्तकृत र उपेक्षित समुदायको प्रतिनिधित्व सुनिश्चित गर्न संघर्ष जारी रहने स्पष्ट पारेको छ।
यस सिफारिसलाई तामाङ समुदायको सामूहिक चेतना र राजनीतिक आकांक्षाको दस्तावेजका रूपमा लिइएको छ। आगामी दिनमा पार्टी केन्द्रको निर्णयले तामाङ समुदायको राजनीतिक दिशानिर्देश तय गर्ने विश्वास मोर्चाले व्यक्त गरेको छ।
हाम्रो तर्फनाट पनि सिफारिसमा परेको सबै कमरेडहरुलाई बधाई तथा शूभ कामना |
