काभ्रे : असोज १२ गतेको बाढि पहिरोले देश भर क्षेती पुर्याएको भए पनि सबै भन्दा बढि काभ्रे जिल्लामा क्षेति पुर्याएको देखिन्छ | काभ्रेको धेरै क्षेत्रमा ठुलो धन जनको क्षेति पुगेर समस्त जिल्ला बासी पिडामा जिइरहेको अबस्था छ | क्षेती ग्रस्त क्षेत्र मध्येमा पनौति नगरपालिका वडा २ र ३ मा पनि बाढी र पहिरोले धेरै क्षेति पुर्याएको थियो | यस प्राकृतिक विपत्तिले पनौति नगर भित्र हजारौं मानिसहरूको जीवनमा संकट ल्याएको छ । आज क्षेति ग्रस्त पनौतिको वडा नं २ र ३का पीडित परिवारहरूको लागि माननिय उर्मिला माझी, YCL केन्द्रीय सदस्य क. वर्षा राना र विशेषगरी खाद्यान्न सामाग्री उपलब्ध गर्नुहुने सुमो कन्ट्रक्सन दुगड ग्रुपका प्रविण बोत्रा,रितिका दुगड र पूर्णमान नापितले राहत वितरण गरेको छ ।
पनौति नगर पालिका वडा नं २ र 3 भित्रका १०० भन्दा बढी पीडित परिवारलाई राहत सामग्री बितरण गरिएको थियो । राहत सामाग्री ल्याउनमा नेकपा माओवादी केन्द्र काभ्रेका सचिव दैवलाल घिसिङ (अन्शीलले) समन्वय गरेको थियो । वितरण सामग्रीमा अति अत्यावश्यक खाद्य वस्तु, कपडा, अन्य अत्यावश्यक सामानहरू समावेश थिए ।
राहत वितरण कार्यक्रममा माननिय माझीले प्राकृतिक विपत्तिमा सँगै खटिनुपर्ने महत्त्वपूर्णता र एकताको कुरा गर्दै, बाढी र पहिरोले प्रभावित परिवारहरूको पुनःस्थापना गर्न सबैको समन्वय आवश्यक रहेको बताएका छन् ।
राहत सामग्री वितरण कार्यक्रमले प्रभावित परिवारहरूलाई सुस्केरा फुक्नको लागि थोरै भए पनि राहत प्रदान गर्यो । कार्यक्रमका क्रममा, पीडित परिवारका सदस्यहरूले राहत सामग्री पाउँदा आँशुका साथ धन्यवाद दिएका थिए। उनीहरूका आँखा भित्रको दुख र निराशालाई बिर्सनका लागि राहत वितरणले धेरै मद्दत गरेको थियो |
राहत सामग्री वितरणमा सुन्तली थिङ (मनिता), सिर्जन थिङ, होम बहादु्र खुलाल, हस्त बहादुर लामा, माधव हुमागाई, लनम सिं तामाङले सक्रिय भूमिका निभाएका थिए । वहाहरुले वितरण प्रक्रिया पारदर्शिता कायम राख्न महत्वपूर्ण योगदान दिएका थिए ।
